Ballı Çizkeyk

100 q yumşaq kərə yağını 80 q bal və yumurta sarısı ilə ağarıb həcmlənənə qədər mikserlə çalın. 200 q unu ½ ç.q. qabartma tozu və bir çimdik duzla qarışdırıb kütləyə ələyin və xəmir yoğurun. Streç plyonkaya bükün, yastılayın və 1 saat soyuducuda saxlayın.

İki perqament kağızı arasında xəmiri yayın və çəngəllə deşdəkləyin. Əvvəlcədən 190°C (375°F) dərəcədə qızdırılmış sobada 10–15 dəqiqə bişirin. Tam soyumasını gözləyin.

Soyumuş korju blenderlə və ya əllə ovuntu halına salın, 35 q yumşaq kərə yağı əlavə edib qarışdırın.

18 sm (7 in) ölçülü qəlibin kənarlarını bolca kərə yağı ilə yağlayın ki, hazır çizkeyk rahat çıxsın. Dibinin və kənarlarının formasını altı düz olan stəkanla bərkidərək formaya salın.

🔹 Qəlibin hazırlanması ilə bağlı ətraflı video:

https://youtu.be/Lvuwh0OepUo?t=68

Formadakı korju 180°C (350°F) temperaturda 10 dəqiqə bişirin, sonra soyuducuya qoyun.

Otaq temperaturundakı 600 q krem pendiri 150 q bal ilə qarışdırın, sonra hər dəfə birini əlavə etməklə 2 yumurtanı və 80 q qaymağı qatın. Qarışığı soyumuş korjun üzərinə tökün və bərabər yayın.

110°C (230°F) temperaturda 90–120 dəqiqə ərzində bişirin. Sobanın ən alt təbəqəsinə qaynar su tökülmüş başqa bir qab qoyun.

Çizkeyki sönmüş sobanın içində soyumağa qoyun, sonra üzərini plyonka ilə örtüb bir gecə soyuducuda saxlayın.

Ertəsi gün çizkeyki ehtiyatla halqadan və ya formadan çıxarın. Süfrəyə verməzdən əvvəl üzərinə bal gəzdirin.