Krem Pendirli Kök Tortu

280 q kökü iri sürtgəcdən keçirib dərin bir qaba tökün. Üzərinə 250 q şəkər tozu, 3 ədəd yumurta, 50 q kərə yağı və 100 q duru yağ əlavə edin. Yaxşıca qarışana qədər çalın.

Ayrı bir qabda ələnmiş 280 q un, qabartma tozu, duz və darçını qarışdırın. Bu qarışımı maye ərzaqların üzərinə əlavə edib yaxşıca qarışdırın. 50 q qozu xırda-xırda doğrayıb xəmirə qatın.

Qəlibi kərə yağı ilə yağlayın, un səpin və dibinə qəlib boyda kəsilmiş perqament kağızı sərin. Xəmiri qəlibə tökün və əvvəlcədən 170°C (350°F) dərəcədə qızdırılmış sobada 50–60 dəqiqə bişirin.

İsti korju streç plyonkaya bükün. Tam soyuduqdan sonra bir gecəlik və ya ən azı bir neçə saatlıq soyuducuya qoyun.

Soyuduqdan sonra korjun üst hissəsini bərabərləşdirmək üçün kəsin və qalan hissəni iki qata bölün. Tort kəsən simdən və ya bıçaqdan istifadə edin. Kənarlarını daha səliqəli etmək üçün bir az kiçik diametrli qəlib halqası ilə kəsib düzəldin.

Böyük bir qabda 200 q soyuq qaymağı 120 q şəkər kirşanı ilə bərkiyənə qədər mikserlə çalın. Sonra 500 q krem pendiri əlavə edib daha bir-iki dəqiqə çalın.

Kremi iki hissəyə bölün. Bir hissəsini sadə ucluqlu və ya ucluqsuz krema torbasına, digər hissəsini isə ulduz ucluqlu krema torbasına doldurun.

Kremin birinci hissəsini alt korjun üzərinə sıxın və ikinci korju üstünə qoyun. Kənarlarına çıxan kremi spatula ilə səliqəyə salın. Ulduz ucluqdakı kremi tortun üstünə sıxaraq zövqünüzə görə bəzəyin.