Yong'oqli Pechene

Katta idishga 140 g un, 30 g shakar kukuni va ½ choy qoshiq razrixlitelni elakdan o'tkazing. ¼ choy qoshiq tuz solib, yaxshilab aralashtiring.

Unli aralashmaga 60 g muzdek sariyog'ni qirg'ichdan o'tkazib soling va qo'lda uvoq (kroshka) holiga keltiring. Tuxum va vanilin qo'shib, xamir qoring. Xamirni disk shakliga keltirib, oziq-ovqat plyonkasiga o'rang va muzlatgichga 1 soatga qo'ying.

Qolipga 40 g funduk, 40 g yong'oq va 40 g bodomni soling. Oldindan 150°C (300°F) qizdirilgan duxovkada 20 daqiqa qovurib oling, so'ng sovuting.

Sovugan yong'oqlarning po'stini tozalab, pichoqda maydalang. Boshqa idishda maydalangan yong'oqlarni 100 g shakar va 30 g xona haroratidagi sariyog' bilan bir xil massa bo'lguncha aralashtiring.

Tingan xamirni to'rtburchak shaklida yoying. Chetlarida ozgina joy qoldirib, yong'oqli asosni xamir yuzasiga tekis qilib surting. Xamirni zich qilib rulet shaklida o'rang va muzlatgichga 1 soatga qo'ying.

Ruletni 1 cm (½ in) qalinlikda tilimlarga bo'ling va pergament qog'ozi to'shalgan listga bir-biridan ozgina masofada tering. Oldindan 180°C (350°F) qizdirilgan duxovkada 12–15 daqiqa davomida, och qizarguncha pishirib oling. To'liq sovuting.

Konditer xaltachasiga 20 g sutli shokolad soling va uni issiq suv solingan stakanga solib qo'ying — shokolad tezda eriydi. Xaltacha uchini kichkina qilib kesib, pechenelar ustiga chiziqlar tortib chiqing. Shokolad qotishini kuting.