გოგრის სინაბონები დარიჩინით

პირველ რიგში, მოვამზადოთ გოგრის პიურე. დაჭერით გოგრა რამდენიმე ნაწილად და მოათავსეთ 250–300 გ საცხობ ფორმაში. გამოაცხვეთ 180°C (350°F) გახურებულ ღუმელში 50–60 წუთის განმავლობაში, სანამ გოგრა მოხარშული კარტოფილივით არ დარბილდება. ბოლომდე გააგრილეთ, შემდეგ კოვზით ამოიღეთ რბილობი და დააბლენდერეთ პიურეს კონსისტენციამდე. გადაზომეთ 160 გ პიურე და გადადგით გვერდზე.

ღრმა ჯამში შეურიეთ 30°C-მდე (86°F) შემთბარი 160 გ რძე, 1½ ჩ.კ. მშრალი საფუარი (ან 15 გ ცოცხალი საფუარი), ½ ჩ.კ. შაქარი და 150 გ გაცრილი ფქვილი. გადააფარეთ საკვები პლასტიკი და დადგით თბილ ადგილას 40 წუთით.

დაუმატეთ 50 გ დარბილებული კარაქი, 160 გ გოგრის პიურე, 1 ჩ.კ. მარილი და 50 გ შაქარი. კარგად აურიეთ, შემდეგ ჩააცერით 300 გ ფქვილი. ზილეთ ცომი 10 წუთის განმავლობაში, გადააფარეთ და დაასვენეთ თბილ ადგილას 90 წუთით, რომ ამოვიდეს.

აფუებული ცომი გააბრტყელეთ მართკუთხა ფენად. თანაბრად გადაუსვით 60 გ რბილი კარაქი ისე, რომ კიდეები ოდნავ თავისუფალი დარჩეს. 100 გ შაქარი შეურიეთ 1 ჩ.კ. დარიჩინს და თანაბრად მოაყარეთ ცომს.

ცომი გადაახვიეთ რულეტად და კიდეები კარგად შეუკარით. ორივე მხრიდან მოაჭერით ბოლოები და გაყავით რულეტი 8 თანაბარ ნაწილად.

საცხობ ფორმას უხვად წაუსვით კარაქი. ფუნთუშები თანაბრად ჩაალაგეთ ფორმაში ისე, რომ მათ შორის დარჩეს მცირე მანძილი. გადააფარეთ პლასტიკი და დააყოვნეთ ამოსასვლელად 40 წუთით.

სანამ ფუნთუშები ამოდის, მოვამზადოთ ტოპინგი. 120 გ შაქარი გაადნეთ საშუალო ცეცხლზე განუწყვეტელი მორევით, სანამ შაქარი სრულად არ გადნება და სასიამოვნო კარამელისფერს არ მიიღებს. ნაწილ-ნაწილ დაუმატეთ 50 გ ცივი კარაქი და კარგად შეურიეთ ერთგვაროვანი მასის მიღებამდე.

ჩაასხით 80 გ ცხელი ნაღები და სწრაფად ამოურიეთ.

გადმოდგით კარამელი ცეცხლიდან, დაუმატეთ ¼ ჩ.კ. მარილი და გადაწურეთ სუფთა ჭურჭელში. ბოლოს, მსხვილად დაჭერით 50 გ პეკანი.

გამოაცხვეთ აფუებული ფუნთუშები წინასწარ 180°C (350°F) გახურებულ ღუმელში 25–30 წუთის განმავლობაში. ოდნავ გააგრილეთ, შემდეგ თითოეულ ფუნთუშას მოასხით მარილიანი კარამელი და მოაყარეთ დაჭრილი პეკანი.